Svona fjárplógsstarfssemi verður að stöðva umsvifalaust

Samtök fjármálafyrirtækja telja að hugmyndir um að miða árlegt hámarkskostnaðrhlutfall ýmissa lána við 50% sé óraunhæf og nær væri að miða við 75% og jafnvel 100% vexti og kostnað á ári.

Þetta segja þau nauðsynlegt vegna þess að slík okurlán séu "vinsæl" og fólk sætti sig við að láta ræna sig á svo blygðunarlausan hátt. Þó Íslendingar séu lánaóð þjóð, getur varla verið að nokkur maður taki lán gegn slíkum kostnaði nema hann sé vandlega falinn með óskýrum texta og afar smáu letri á skilmálunum.

Hvort sem lántakandi samþykkir slík afarkjör eða ekki, þá er hér um svo svívirðilega gjaldtöku að ræða að hana ber að stöðva umsvifalaust, breyta lögum um fjármálafyrirtæki þannig að slíkt kostnaðarhámark sé að algeru hámarki 25% og ströng viðurlög verði við ámóta glæpamennsku og nú virðist tíðkast á lánamarkaði hérlendis.

Um siðferðiskennd fjármálafyrirtækjann þarf auðvitað ekki að fjölyrða og lýsa þau henni best sjálf með athugasemd sinni.

Smálánin leynast víða

Athugasemdir

[Billi bilaði, 24.1.2013 kl. 23:42]

Fyrir þó nokkru síðan kærði ég til fjármálaeftirlitsins það athæfi þessara fyrirtæka að þefa uppi innistæður á bankareikningum daglega til þess að geta sogað út peninga af reikningum um leið og þeir birtast.

Ég fékk það svar að þetta yrði tekið til athugunar, en mér kæmi framhaldið ekkert við.

[Guðmundur Ásgeirsson, 25.1.2013 kl. 00:39]

Kæran þín hefur líklega verið flokkuð sem ógn við fjármálastöðugleika og stungið undir stól. Enda við hverju býstu þegar þú heitir Billi bilaði ? ;)

[Billi bilaði, 25.1.2013 kl. 08:52]

Maður þarf að vera nokkuð bilaður til að nenna að standa í svona málum.