Lady Gaga og Jón gaga

Söngkonan Lady Gaga, sem heimsótti landið dagpart um daginn, segist eftir það elska "borgarstjóra Íslands" og hlýtur þar að eiga við borgarstjóra Reykjavíkur sem hún hitti við opinbera afhendingu friðarverðlauna Yoko Ono.

Lady Gaga er, eins og allir vita, vinsæl og frábær söngkona sem klæðist alls kyns furðubúningum á tónleikum, en eins og sást við verðlaunaafhendinguna kann hún sig á mannamótum og klæðist við slík tækifæri í venjulegan og smekklegan fatnað og býður af sér góðan þokka.

Munurinn á henni og "borgarstjóra Íslands" er greinilega sá að hún kann að haga sér á mannamótum en hann ekki, því honum þótti sæma að mæta í verðlaunaafhendinguna íklæddur hálfgerðum trúðsbúningi sem átti að líkjast einhverri fyrirmynd borgarstjórans úr einni af uppáhaldsbíómyndinni hans.

Lady Gaga kann greinilega að skilja á milli þess að vera skemmtikraftur og "venjuleg" manneskja, en það á hins vegar ekki við um borgarstjórann elskaða.

Líklega hefur Lady Gaga bara svona gaman af raunverulegum furðufuglum.

„Ég elska borgarstjóra Íslands“

Athugasemdir

[Erla Magna Alexandersdóttir, 23.10.2012 kl. 20:19]

það að vera furðufugl- er annað en að vera borgarstjóri- annað hentar manninum- hitt ekki- enda í hlutverki hins óraunverulega ----

[Rafn Haraldur Sigurðsson (IP-tala skráð) 23.10.2012 kl. 20:21]

Það eina sem vantar í þetta, Lady Gaga og Jón gaga, er bí bí og blaka

[Tryggvi Helgason, 23.10.2012 kl. 22:03]

Þetta virðist nú ekki passa alveg við fréttirnar á sínum tíma. Og þó það væri nú ekki sagt með berum orðum, þá gat maður lesið það, ... svona á milli línanna, ... að manneskjan varð gripin ofsa hræðslu þegar hún sá borgarstjórnarliðið nálgast með sjálfann borgarstjórann í broddi fylkingar og skelfingu lostin flúði hún burt af landinu, á nokkrum mínútum, alveg gaga-galin.

En núna er hún greinilega eitthvað að ná sér eftir hræðsluna, reynir augljóslega að bera í bætifláka og segist hafa miklar mætur á "forstjóra" Íslands. Þá veit maður það, ... gott og blessað.

[Björn Emilsson, 23.10.2012 kl. 22:42]

Vonandi fá þau að njótast. Skárra væri það þó.

[Hjördís Vilhjálmsdóttir, 23.10.2012 kl. 23:44]

,,Enginn veit hvað átt hefur fyrr en misst hefur "

[Bergljót Gunnarsdóttir, 24.10.2012 kl. 00:19]

Alltaf við sama heygarðshornið Axel minn. Smá leirburður í tilefni dagsins. 

Gnarrinn og Gaga um reika,

gaman þeim finnst og þau meika,

að mæta upp´á sviði,

í guðs drottins friði.

En Gaga fannst Gnarrinn ofleika.

[Axel Jóhann Axelsson, 24.10.2012 kl. 08:42]

"Alltaf" er svolítið afstætt hugtak, a.m.k. í því ljósi að hér á þessu bloggi hefur ekki verið minnst á Jón Gnarr, svo munað sé, í vel á annað ár.

Það kemur auðvitað til af því að sá maður gefur engin tilefni til umfjöllunar, önnur en einhver bjálfaleg uppátæki og honum sjálfum er minnstur greiði gerður með því að fjalla um "störf" hans á opinberum vettvangi.

[Jón Þórhallsson, 24.10.2012 kl. 10:01]

Er Gnarrinn ekki fremstur á meðal jafningja í reykjavík?

=Að hver borg verðskuldi það sem hún kýs yfir sig?

[Óli Már Guðmundsson, 24.10.2012 kl. 12:00]

Kanski Bergljót hafi átt við að þú sért duglegur við að skíta út fólk sem er ekki þóknanlegt þér og þínum skoðunum.

[Einar Sig. (IP-tala skráð) 24.10.2012 kl. 17:45]

Óli,

  Ert þú nákvæmlega að gera slíkt hið sama.
  tekurðu ekki eftir því?

 

[Einar (IP-tala skráð) 25.10.2012 kl. 06:49]

Þessi ónot í garð borgarstjórans í Reykjavík eru orðin hálf súr hérna á þessari bloggsíðu.

Sennilega einn besti borgarstjóri sem Rvik hefur átt. En síðuhafi og fleiri hér láta hann mikið fara í taugarnar á sér. Er það vegna þess að hann gengur ekki í jakkafötum og er í sjálfstæðisflokknum ? ekki nógu spilltur kannski?

Jón er flottur.

[Einar (IP-tala skráð) 25.10.2012 kl. 06:50]

...og er ekki í sjálfstæðisflokknum, átti þarna að standa.

[Jens Guð, 25.10.2012 kl. 23:55]

  Ég set fyrirvara við fullyrðingu um að LG sé frábær söngkona.  Að vísu hef ég ekki legið yfir plötum hennar.  Ég hef aðeins heyrt örfá lög með henni.  Öll verulega leiðinlegt og ómerkilegt píkupopp.  Þar ber lítið sem ekkert á frábærum sönghæfileikum. 

   Hinsvegar hef ég lítillega kynnt mér málflutning hennar og fyrir hvað hún stendur í kjölfar þess að Yoko heiðraði hana.  LG hefur skorið upp herör gegn einelti.  Hún boðar samheldni og frið.  Hún hefur staðið fyrir fjársöfnum til handa fórnarlömbum jarðskjálfta.  Hún berst gegn fordómum í garð samkynhneigðra.  Hún hefur í 2  eða 3 ár verið í slagtogi með Plastic Ono Band og sungið friðarsöngva Johns Lennons.  Hún er mælsk, rökföst og fylgin sér.  En músíkin hennar er ömurleg.  

[DoctorE (IP-tala skráð) 26.10.2012 kl. 07:44]

Jón Gnarr hefur staðið sig ágætlega, að mér sýnist hefur hann staðið sig betur en fyrirrennarar hans, hann tók við handónýtu búi atvinnustjórnmálamanna.
Er það ekki eitthvað sem þú styður Axel, þú lærðir kannski ekkert af hruninu, núll.

[Axel Jóhann Axelsson, 27.10.2012 kl. 02:38]

Doctor E, mannstu ekket eftir Hönnu Birnu sem borgarstjóra? Hún var líklega besti borgarstjóri frá tímu Davíðs Oddsonar í sama stóli. Jón Gnarr er hreinn brandari miðað við alvöru borgarstjóra á síðustu árum, ef við undanskiljum árin sem R-listinn var við völd og árin þar á eftir.