Hafa íslenskir sjúklingar skaðast vegna niðurskurðar?

Talið er að einhver fjöldi sjúklinga á Akershus sjúkrahúsinu í Noregi hafi skaðast og jafnvel látist vegna manneklu á sjúkrahúsinu á árinu 2011 og hefur framkvæmdastjóri sjúkrahússins beðist afsökunar á skaðanum sem þetta ástand hefur valdið.

Skýringin sem gefin er á þessu máli er að sjúklingum hafi fjölgað en starfsmannafjöldi staðið í stað og manneklan orðið til þess að mistök hafi verið gerð og sjúklingar ekki fengið þá þjónustu sem þurft hefði.

Á Íslandi hefur orðið mikill niðurskurður í heilbrigðisgeiranum sem bitnað hefur á öllum sviðum hans, t.d. í lélegu viðhaldi véla og tækja og fækkun starfsfólks á sjúkrahúsunum, bæði lækna og annars hjúkrunarfólks.

Skyldi nokkur athugun hafa verið gerð á því hér á landi hvort þessi niðurskurður hafi valdið álíka skaða hér og reyndin er í Noregi, hvort sem um er að ræða of nauma læknisþjónustu eða jafnvel ótímabær dauðsföll?

Biður sjúklingana afsökunar

Athugasemdir

[Ómar Ragnarsson, 22.9.2012 kl. 00:21]

Ég benti á eitt ákveðið dæmi í bloggpistli í gær.

[Birna (IP-tala skráð) 22.9.2012 kl. 01:50]

Ég er orðin þreytt á afsökunarbeiðnum fólks með sem nemur fleiri hundruðum þúsunda (og jafnvel meira en milljón) íslenskra króna á mánuði fyrir störf sín. Hvernig væri að byrja á byrjunni? Að fólkið með þessi ofsa laun sýni að það sé starfi sínu vaxið og hafi þ.a.l. getu til að koma í veg fyrir að það verði uppvíst af því að gera mistök.

[Birna (IP-tala skráð) 22.9.2012 kl. 01:51]

Segðu frá, Ómar.

[Axel Jóhann Axelsson, 22.9.2012 kl. 18:21]

Birna, það skiptir ekki máli hvort fólk er með meira eða minna í laun, ef vinnuálagið er svo mikið að það kemst ekki yfir að vinna verkin sómasamlega í þeim vinnutíma sem til þess er ætlaður.

[Axel Jóhann Axelsson, 22.9.2012 kl. 18:27]

Ómar, sagan sem þú sagðir frá í bloggfærslunni í gær er mjög sláandi og áreiðanlega ekkert einsdæmi. Allir hafa væntanlega heyrt ýmsar sögur af minnkandi þjónustu heilbrigðiskerfisins og margt sem fólk hefur þurft að þola þess vegna. Vonandi hefur dauðsfall ekki orsakast ennþá beinlínis vegna niðurskurðarins, en annað eins og saga konunnar sem þú segir frá er meira en nógu slæmt til að hægt sé að sætta sig við.