"Smámunir og smáaurar " sem ekki tekur því að tala um

Jóhannes Jónsson, stofnandi Baugsgengisins, sem alltaf hefur verið notaður sem "góði gæinn" í öllu áróðursstríði gegnisins gegn opinberum aðilum og til að afla ástar og virðingar almennings vegna "góðgerðarstarfsemi" gengisins í þágu þjóðarinnar, hefur verið að svara spurningum ákæruvaldsins í dag, vegna skattsvikaákæru á hendur nokkurra gengisfélaga.

Í svörum sínum hefur Jóhannes gert lítið úr ákærunum og segir að þau smáatriði sem til umfjöllunar eru fyrir dómi hafi ekki verið álitin merkileg í heildarsamhengi þess lífernis sem gegnið tamdi sér á "útrásarárunum".

Notkun á Porche 911, Hummer- og Cherokee-jeppum ásamt leikföngum á borð við snjósleða og öðru slíku hafi ekki þótt merkileg "risna" í augum gengisins, eða eins og haft er eftir honum í fréttinni: "Já, já, þetta voru náttúrulega smámunir á þessum tíma."

Það verður að segjast, að "smámunir og smáaurar" hafa geysilega mismunandi merkingu í hugum fólks, eftir því hvort það tilheyrir Bónusgenginu og öðrum útrásargengjum, eða sauðsvörtum almenningi, sem aldrei hefur látið sér detta í hug að kalla vel ökufæran Hummer "brotajárn". 

 

Hummerinn var brotajárn

Athugasemdir

[Bergljót Gunnarsdóttir, 18.10.2011 kl. 14:45]

Hroki og aftur hroki. Þannig er Jóhannes Jónsson, og hefur alltaf verið, en ekki skánaði það við að hann varð nýríkur og hélt þar með að hann væri kominn í röð "sjentilmanna" samfélagsins. 

[Helgi Rúnar Jónsson (IP-tala skráð) 18.10.2011 kl. 15:25]

Hverjir eru sjentilmenn samfélagsins að þínu mati Bergljót...??

[Bergljót Gunnarsdóttir, 18.10.2011 kl. 15:38]

Sjentilmenn samfélagsins, eru þeir sem hægt er að sýna virðingu, og þeir eiga hana skilið, hverrar stéttar sem þeir eru. Virðing samfélagsins skapast ekki endilega við peningaeign eða völd, heldur framkomu og allt samneyti við samfélagið, og samborgarann.

[Helgi Rúnar Jónsson (IP-tala skráð) 18.10.2011 kl. 15:46]

Treystir þú þér til að nefna einhver nöfn í þessu sambandi...??

[Bergljót Gunnarsdóttir, 18.10.2011 kl. 16:12]

Ólafur Thors var valinkunnur sjentilmaður, svo og Kristján Eldjárn, og Pál Skúlason prófessor, fyrrv. rektor Háskólans, set ég í flokk með þeim, ásamt nokkuð mörgum núlifandi Íslendingum. Því miður sýnist mér sjentilmennirnir fleiri meðal fullorðinna manna, og meina ég þá, sem eru komnir af miðjum aldri. Á Íslandi finnur þú sjentilmenn víða til sveita.

 En Frakkar eiga sér t.d mann sem vill vera sjentilmenni ,en er hreinræktaður drullusokkur og á ég þar við manninn sem var fortjóri AÞG til skamms tíma, en það er svo sem ekkert einsdæmi.

[Bergljót Gunnarsdóttir, 18.10.2011 kl. 16:15]

Ekki má gleyma mönnum eins og Jóni Ormi Halldórssyni, sem ég met mikils, fyrir greind, hógværð og sjentilmennsku.

[Axel Jóhann Axelsson, 18.10.2011 kl. 16:16]

Helgi, þó Bergljót sé fullfær um að svara fyrir sig sjálf, er alveg óhætt að benda á meginhluta almennings sem "sjentilmenn samfélagsins", og þar eru meðtaldir flestir stjórnendur í þjóðfélaginu, en því fer víðsfjarri að þeir séu allir á sama báti og útrásargengin.

[Axel Jóhann Axelsson, 18.10.2011 kl. 16:19]

Á meðan ég var að setja inn færslu nr. 7, smullu svör Bergljótar inn þannig að hún varð auðvitað snögg til svara eins og hennar er von og vísa.

[Bergljót Gunnarsdóttir, 18.10.2011 kl. 16:33]

 Nærtækasta skýringin á sjentilmanni, er líklega sú, að hann sé fyrrtur andlegum sóðaskap.

[Dexter Morgan, 18.10.2011 kl. 16:47]

Þetta minnir mig á söguna, (sagða af innanbúðarmanni hjá Bílabúð Benna), þegar Jón Ásgeir "týndi" Porche-inum". Hann hafði skilið hann eftir einhvers staðar og gat ómöglega munað hvar það væri. Fenginn var sérfræðingur frá Porche til að finna, (track-a), bílinn í gegnum staðsetningartæki sem er í öllum Porche bílum. Bílinn fannst að lokum inn í 2000m2 dótageymslunni þeirra Baugsmanna. Þeir sem sóttu bílinn á vegum B.Benna, sögðu að þessi geymsla væri full af ALVÖRU dóti fyrir stóra stráka, s.s. Gógart-bíla, vélsleðar, fjórhjól ásamt fullt af öðrum bílum. Jón Ásgeir hafði skipt yfir í Hummerinn, farið í veiðitúr og gat ekki munað hvað hefði orðið um Proche-inn. Gaman að þessu :)

[Sigurður Haraldsson, 18.10.2011 kl. 16:58]

Takk Bergljót þú ert séntilmenni miðað við það sem þú skrifar. Jóhannes og hans pakk er veruleikafyrt með öllu og á hvergi heima annarsstaðar en í grjótinu!

[Axel Jóhann Axelsson, 18.10.2011 kl. 19:24]

Það er ekki óalgengt að leikföng týnist, en sjaldnast eru það nú svona "leikföng". Samt sýnir þetta að "stórir strákar" eru hreint ekkert alltaf stórir strákar.

[Jón Óskarsson, 24.10.2011 kl. 13:18]

Því hefur oft verið haldið fram að því stærri sem "fullorðins tæki og leikföng" eru því "minni karlmenn" séu eigendurnir.  Ég held að það eigi vel við í þessu tilfelli Baugsleikfangana....