Örvænting í Kastljósi

Líklega í fyrsta skipti í sögu Kastljóss stendur nú yfir símatími, þar sem áhorfendum er gefinn kostur á að spyrja gest Kastljóssins beinna spurninga.

Vegna fyrirhugaðrar mótmæla við setningu Alþingis og þegar forsætisráðherra mun flytja stefnuræðu sína á mánudaginn og stuðnings RÚV við ríkisstjórnina er það að sjálfsögðu skelfingu lostin Jóhanna Sigurðardóttir, sem fær þetta tækifæri til að reyna að slá á reiði þjóðarinnar í garð ríkisstjórnarinnar.

Aldrei hefur nokkur forsætilráðherra á Íslandi verið í meiri vandræðum en sá núverandi og ekki er líklegt að þessi Kastljósþáttur verði til að efla álit almennings á forsætisráðherranum eða ríkisstjórninni, miðað við frammistöðuna í þættinum.

Vonadi verða fyrirhuguð mótmæli friðsamleg svo Jóhönnu takist að ná svefni á ný, en ráða- og getuleysi stjórnarinnar hlýtur að stafa af þreytu, svefnleysi og uppgjöf gagnvart aðstejandi vandamálum.

Boða samstöðutónleika á Austurvelli

Athugasemdir

[Jón Óskarsson, 29.9.2011 kl. 20:42]

Hvað sem líður símatíma hjá RUV eða öðru, þá mun ég mæta á laugardaginn.  Reiði Jóhönnu Sigurðardóttur út í SA um daginn þar sem hún grét í annarri setningunni en froðufelldi af bræði í þeirri næstu og hótaði öllu illu, varð til þess að fylla mælinn hjá mér annars friðelskandi manni.  Lofa engu öðru en því að ég mæti, vonandi mætir engir stjórnarliði mér "face to face"því þá lofa ég ekki hvaða orð verða látinn fjúka....

[hilmar jónsson, 29.9.2011 kl. 20:53]

Hvaða hvaða, Jóhanna var óvenju góð í kvöld.

[Axel Jóhann Axelsson, 29.9.2011 kl. 21:00]

Blekkingarnar runnu nokkuð hratt upp úr henni og stóðu lítið í henni, óvenjulítið eins og þú segir Hilmar. Vonandi hefur fólk þó séð í gegnum sjónarspilið og ekki látið blekkjast, t.d. með fagurgalanum um hagvöxt (sem nánast enginn er, sérstöku vaxtabæturnar sem ekki voru meiri viðbót en það, að almennu vaxtabæturnar voru lækkaðar á móti (og reyndar rúmlega) og aðgerðirnar í atvinnumálunum, sem allir vita að VG stendur gegn af öllu sínu afli.

[Helga Kristjánsdóttir, 29.9.2011 kl. 22:22]

  Því miður var  enginn andmælaréttur.

[Jón Óskarsson, 29.9.2011 kl. 22:29]

Ég get viðhaft mörg orð og mörg dæmi um vaxtabæturnar v.s. vaxtaniðurgreiðslurnar enda að vinna við skattamál.   Opinberu tölurnar áður en skattskil áttu sér stað voru að í stað þess að 46.000 mann fengi vaxtabætur myndu um 26.000 mann fá vaxtabætur.  Mig vantar niðurstöður ríkisskattstjóra um réttan fjölda eftir álagningar.  En allavega þá fengu sumir af þeim 20.000 sem misstu sínar vaxtabætur svolítið upp í það með svokölluðum sérstakri vaxtaniðurgreiðslu.   Þær fjárhæðir voru hreinir smámunir í samanburði við vaxtabæturnar.

Lausleg niðurstaða mín á könnun á hvaða áhrif breytingarnar höfðu er að "fólk á aldrinum 35 til 55 hélt nokkurn veginn sínu", "fólk eldra en 55 og yngra en 35 missti sínar bætur að stórum hluta til eða jafnvel að öllu leyti.

Norræna velferðarstjórnin heldur greinilega með eldra fólki og yngra barnafólki, eða þannig....

[Sigurður Haraldsson, 30.9.2011 kl. 18:17]

Hennar tími er liðinn og von mín stendur til þess að við þurfum ekki að berja tunnur á Austurvelli þann 3 október.