Hvers konar vinnubrögð eru þetta?

Meint efnahagsbrotamál fyrrverandi framkvæmdastjóra Verðbréfaþjónustu sparisjóðanna hefur verið í rannsóm hjá Ríkislögreglustjóra í þrjú og hálft ár og sætti framkvæmdastjórinn margra mánaða farbanni á rannsóknartímanum.  Ekki hefur enn verið tekin ákvörðun um hvort ákæra verðu gefin út í málinu.

Framkvæmdastjórinn var grunaður um stórfelld efnahagsbrot, sem fólust í útgáfu tilhæfulausra ábyrgðaryfirlýsinga og fyrir utanaðkomandi hefði mátt álykta að tiltölulega fljótlegt hefði átt að vera að sjá hvort þessar ábyrgðaryfirlýsingar hafi verið tilhæfulausar eða ekki.  Hvað er hægt að rannsaka í þrjú og hálft ár vegna þessa?  Voru yfirlýsingarnar ekki á auðskiljanlegu máli og lá ekki tilefni útgáfu þeirra ljóst fyrir?  Þegar málavextir virðast ekki flóknari en þetta, er algerlega óverjandi að hanga svo lengi yfir rannsóknum og láta sakborninginn sæta farbanni og allri þessari bið, vegna að því er virðist eintóms sleifarlags við rannsóknir.

Ef það tekur svona mörg ár að rannsaka "smámálin" sem tilheyra bankaruglinu fyrir hrun, hvað má þá reikna með mörgum áratugum, áður en einhver botn kemst í stærri og flóknari málin?  ,

Með slíkum hraða lýkur rannsóknunum væntanlega sjálfkrafa og málin felld niður jafn óðum og sakborningarnir látast í hárri elli, sem þeir munu vel njóta með afrakstri "bankarána" sinna.

Ekki víst að ákæra verði gefin út

Athugasemdir

[corvus corax, 29.10.2010 kl. 16:25]

Dagskipun ríkisstjórnarinnar á hverjum degi til rannsakenda efnahagsbrota elítunnar er auðvitað: tefja, týna, teygja lopann, slá á frest, sjá til, skoða málið, fara yfir stöðuna, tefja meira, gera lítið úr, og á allan hátt að beita öllum hugsanlegum meðölum, tækjum og tólum til að koma í veg fyrir saksókn gegn glæpahyskinu. Hins vegar skal herða róðurinn gegn mótmælendum, "níumenningunum" sem gerðu "hryðjuverkaárás" á alþingi með þeim afleiðingum að einn þingvörður meiddist á fingri, úrskurða fárveikan fíkil í gæsluvarðhald af því að hann braut rúðu og stal skiptimynt, endurupptaka mál gegn útigangsmanni sem skeit í runna á Austurvelli kvöldið eftir "búsáhaldabyltinguna" og elta uppi alla aðra smákrimma hvar sem til þeirra næst.

Þetta er eina stefnumörkun og niðurstaða Jóhönnu og Steingríms Joð eftir mörg hundruð klukkustunda fundahöld um aðgerðir gegn skuldugum heimilum.
Góðir Íslendingar, nú er komið að því að fara út á götur og berjast fyrir réttlæti!

[Bergljót Gunnarsdóttir, 29.10.2010 kl. 16:53]

Þetta er hreinn óhugnaður.

[Sigurður Haraldsson, 29.10.2010 kl. 17:44]

Kallar á harkalegri viðbrögð okkar og mótmæli!

[Jón Sveinsson, 29.10.2010 kl. 18:22]

Maðurinn hlýtur að vera saklaus,Hann stal ekki brauðskorpu úr bónus Þess vegna gengur hann laus.