Hjáseta eftir fimmtán ára umræður - hneyksli.

Þó ótrúlegt sé, hefur staðið yfir umræða á allsherjarþingi Sameinuðu þjóðanna í fimmtán ár um það, hvort aðgagnur að hreinu vatni teljist til mannréttinda.  Svo sjálfsagt ætti að vera að fæðuöryggi, aðgangur að vatni og aðstöðu til hreinlætis ætti að teljast til lágmarksmannréttinda, að ekki ætti að þurfa að eyða fimmtán dögum í slíka umræðu og hvað þá fimmtán árum.

Það stórmerkilega eftir þessa fimmtán ára umhugsun um þessi mál, skuli Íslendingar ekki hafa getað tekið afstöðu til málsins og því setið hjá við atkvæðagreiðsluna á allsherjarþinginu.  Í fréttinni kemur m.a. fram, að:  "Í ályktuninni er áhyggjum lýst af því, að 884 milljónir manna hafi ekki aðgang að öruggu drykkjarvatni og 2,6 milljónir skorti hreinlætisaðstöðu.  Allt að 1,5 milljónir barna deyi árlega vegna þess að þau skorti vatn og hreinlætisaðstöðu."

Að eitt þeirra landa, sem við hvað bestan vatnsbúskap býr í veröldinni, skuli ekki geta tekið undir þessa sjálfsögðu ályktun er einfaldlega hneyksli og ekkert annað.

Nú verður ríkisstjórnin að gera grein fyrir þessari ótrúlegu hjásetu og eins gott að fram komi rök, sem halda.

Ísland sat hjá á þingi SÞ

Athugasemdir

[Guðmundur Guðmundsson, 29.7.2010 kl. 10:18]

Ég er sammála.

[Þórarinn Baldursson, 29.7.2010 kl. 10:30]

Þetta eru bara fífl og asnar,ég er alveg fokillur.

[Gunnar (IP-tala skráð) 29.7.2010 kl. 10:50]

Miðað við að Svíar og Danir sátu hjá líka geri ég fastlega ráð fyrir því að einhver ástæða liggi á bak við hjásetunni, og þá önnur en andmæli þess að aðgangur að vatni teljist til mannréttinda.

Hér gæti verið um að ræða ósætti vegna orðalags eða þá að fulltrúum okkar hafi ekki fundist efni tillögunnar nægilega róttækt og viljað að umræðurnar héldu áfram.

Hverju sem því skiptir þykir mér til marks og heimsku að telja íslenska diplómata mótfallna því að aðgangur að hreinu vatni teljist til lágmarks mannréttinda.

[Axel Jóhann Axelsson, 29.7.2010 kl. 11:08]

Gunnar, einmitt vegna þess, sem þú ert að hugleiða endaði færslan á þessari setningu:  "Nú verður ríkisstjórnin að gera grein fyrir þessari ótrúlegu hjásetu og eins gott að fram komi rök, sem halda."

[Aðalsteinn Agnarsson, 29.7.2010 kl. 11:17]

Axel, við sátum  líka hjá er SÞ. vildi banna trollveiðar. Er ekki allt í lagi með okkur ?

[Axel Jóhann Axelsson, 29.7.2010 kl. 11:30]

Aðalsteinn, það hefur margt verið skrýtið í kýrhausnum í íslenskri stjórnsýslu í langan tíma.