Frábær borgarstjóri

Hanna Birna Kristjánsdóttir hefur staðið sig frábærlega í embætti borgarstjóra og ber höfuð og herðar yfir kollega sína, sem gegnt hafa embættinu á undanförnum árum.  Mikill órói og ósamstaða einkenndi störf borgarstjórnar árin áður en hún tók við, en eftir að hún settist í stólinn gjörbreyttust vinnubrögðin þar innandyra og mikil samvinna verið milli meiri- og minnihluta í borgarstjórninni.

Hanna Birna var í viðtali hjá Sölva á Skjá einum í kvöld og sýndi þar og sannaði með framkomu sinni og svörum, að þar er mikill leiðtogi á ferðinni og hugmynd hennar um "þjóðstjórn" í borginni afar athyglisverð, eða eins og hún sagði, þá er miklu skynsamlegra að fullnýta krafta allra fimmtán borgarfulltrúanna, heldur en að einhverjir átta myndi ávallt meirihluta og hinir sjö hafi nánast ekkert hlutverk, annað en að sitja og hlusta á meirihlutann.

Borgarbúar eru vel sæmdir af Hönnu Birnu í borgarstjórastólnum og vonandi bera þeir gæfu til þess að styðja hana til áframhaldandi góðra verka í borgarstjórnarkosningunum í vor.

Hún á það sklið og Reykvíkingar eiga það skilið.

„Þjóðstjórn“ í borgarstjórn?

Athugasemdir

[Ólafur Ingi Hrólfsson, 29.4.2010 kl. 05:10]

Þegar oddvitar flokkanna sem bjóða fram í Reykjavík mættu í sjónvarpið um daginn bar þessi kona svo af að það lá við að  ég vorkenndi hinum oddvitunum.

Sérstaklega var ömurlegt að fylgjast með Segi B reyna að efna til illinda og oddvita VG reyna að gera "sérstöðu" VG að einhverju sérstöku - hvorutveggja mistókst.

Hanna Birna hafði yfirburðina - hældi minnihlutanum fyrir sumt - sló á puttana á þeim þegar það átti við og þerraði tárin þegar ástæða var til.

Semsagt mamma með hópinn sinn sem var misstilltur.

Hún var málefnaleg og rökföst og lét ekki draga sig niður í froðu eða lýðskrum.

Hagur borgarinnar var og er númer eitt hjá henni.

Þessi kona er frábær -

[GJ (IP-tala skráð) 29.4.2010 kl. 08:41]

Þessi kona hefur sýnt að stjórnmálamenn geta verið klárir. Hún á að taka við flokknum og innleyða sína sýn á lífið í flokkinn. Sameina.