Hvað segja ESBsinnar við þessu?

ESB og AGS eru að fara á límingunum vegna efnahagsástandsins innan ESB og óttast ekkert meira um þessar mundir en að Evrópusambandið klofni í frumeindir sínar og/eða að myntbandalagið sé búið að renna sitt skeið.

Lánshæfismat Grikklands er komið í ruslflokk og Spánn, Portúgal og Írland virðast á sömu leið og hætta er á að Ítalía fylgi jafnvel á eftir.  Skuldaklafi þessara þjóða er að sliga þær og þar sem efnahagskerfi landanna eru svo ólík innbyrðis, að evran er farin að verða þeim til trafala, en ekki sú björgun sem menn ætluðu henni að verða.

Núna þarf að draga umsókn Íslands um að fá að verða áhrifalaus útnárahreppur í þessu hryllingsbandalagi til baka, enda algerlega glórulaust að bindast þeim glundroða í efnahagsmálum, sem nú eru að skella á ESB.

Fréttin endar á þessari tilvitnun í framkvæmdastjóra AGS:  "Strauss-Kahn telur hins vegar að ástandið á Grikklandi geti breiðst út til fleiri landa. „Við þurfum að endurvekja traust ... Ég er sannfærður um að við náum að leysa vandann. En ef við komum Grikkjum ekki til hjálpar, mun það hafa mjög miklar afleiðingar fyrir Evrópusambandið.“

Hvað segir Samfylkingin og aðrir nytsamir ESB sakleysingjar við þessu?


mbl.is Ástandið gæti breiðst um Evrópu
Tilkynna um óviðeigandi tengingu við frétt

« Síðasta færsla | Næsta færsla »

Athugasemdir

1 Smámynd: Hjörtur J. Guðmundsson

Þeir segja ekkert, geta ekkert sagt.

Hjörtur J. Guðmundsson, 28.4.2010 kl. 22:11

2 identicon

þetta saband er því miður andvana fætt

eins og staðan er í dag eru bara Frakkar og Þjóðverjar sem uppfylla skylirðin um peningastefnu sambandsisns

hvað segir það okkur

Grikkir fölsuðu sína afkomu til að skríða þarna inn eins og 0,00005% Íslendiga vill

þ.e.a.s vinir Jóhönnu og Össurar

annað hvort henda þeir Grikkjum út eða sambadið fellur og € í leiðinni

þetta er ástæðan afhverju Bretar vildu ekki fara í í €

kv

Magnús Ágústsson

maggi (IP-tala skráð) 28.4.2010 kl. 22:27

3 Smámynd: Björn Emilsson

Það lítur helst út fyrir að Ísland sé á hraðferð inní ESB. Stóribróðir hefur sagt JÁ. 3ja ríkið sér fyrir sér herstöð á Miðnesheiði sér til framgangs á Norðurhveli. Spánverjar og Engilsaxar sleikja útum báðum munnvikum yfir fengsælum fiskimiðum. Stóriðjufurstar alþjóðlegir nýta sér síðustu dropa orku nýtanlegrar. Island er hjartanlega velkomið í Stórríkið. Nú, hvað um það, þýsku bankarnir eiga sennilega nú þegar landið og miðin.

Margir íslendingar halda að aðild að ESB þýði betra líf og nýja tilveru. Vöruverð komi til með að stórlækka. Verðtrygging verði afnumin og vextir verði um 2% af húsnæðislánum. Þýskir bankar komi til með að fjármagna framkvæmdir, stórar sem smáar. Bílar og hverskonar neysluvörur muni stórlækka í verði, laun muni stórhækka. Sennilega hárrétt. Island er nefnilega ekkert Grikkland. Island var kallað virkið í norðri. Má örugglega staðfesta að lega Islands réði úrslitum fyrir sigur Vesturveldanna yfir 3ja Ríkinu. Því miður lítur nú út fyrir að fái Island á silfurfati, værsaagod og spis!!

Hin nýja sjálfstæðishreyfing Islands, verður að standa sig í stykkinu. Verður að uppfræða almenning um kaup og kjör á Eyrinni ´eins og sagt var í gamla daga´ . Hvað þarf Island að borga fyrir gillið!!

Áfram Island, Island er fullvalda og frjálst land fyrir atbeina Jóns Sigurðssonar og fleiri sannra Islendinga.

Björn Emilsson, 29.4.2010 kl. 01:58

4 Smámynd: Björn Emilsson

Verð að koma Laxness að

Laxness og þýskir fiskibæir á íslandsströnd

„En þegar á íslandsströnd eru risnir þýskir fiskibæir og þýsk kauptún, hve leingi mun þess að bíða að þar rísi og þýskir kastalar með þýskum kastalaherrum og málaliði. Hver er þá orðinn hlutur þeirrar þjóðar sem skrifaði frægar bækur? Þeir íslensku mundu þá í hæsta lagi verða feitir þjónar þýsks leppríkis. Feitur þjónn er ekki mikill maður. Barður þræll er mikill maður, því í hans brjósti á frelsið heima." (Eldur í Kaupinhafn. 13. kafli. Arnas Arnæus

Björn Emilsson, 29.4.2010 kl. 02:42

5 Smámynd: Axel Jóhann Axelsson

Þessi tilvitnun í Laxness á vel við og þessi frábæri texti gæti verið einkunnarorð ESB andstæðinga.

Axel Jóhann Axelsson, 29.4.2010 kl. 08:55

6 Smámynd: Sleggjan og Hvellurinn

Já þessi texti á vel við ESB andstæðinga. Enda er hræðsluáróðurinn alsráðandi þarna.

Sleggjan og Hvellurinn, 29.4.2010 kl. 13:24

Bæta við athugasemd

Ekki er lengur hægt að skrifa athugasemdir við færsluna, þar sem tímamörk á athugasemdir eru liðin.

Innskráning

Ath. Vinsamlegast kveikið á Javascript til að hefja innskráningu.

Hafðu samband